Natarajar அம்பலத்தரசே அருமருந்தே: திருக்காரணி நூதன மாவடி சேவை

Friday, May 1, 2009

திருக்காரணி நூதன மாவடி சேவை

முதல் நாள் மாலை நூதன மாவடி சேவை

தொண்டை மண்டலத்தில் முதல் நாள் இரவு சிவ பெருமான் அத்தலத்தின் ஸ்தல விருக்ஷத்தில் எழுந்தருளி அருள் பாலிக்கின்றார்.அக்காலத்தில் நம் முன்னோர்கள் இயற்கையோடு ஒன்றி வாழ்ந்தார்கள். ஒவ்வொரு திருத்த்லத்திலும் ஒன்றுக்கு மேற்பட்ட தீர்த்தங்கள் என்னும் திருக்குளங்கள் இருந்தன. கோயில் வனத்தில் அமைந்திருந்தன. நன்மை பயக்கும் மரங்கள் காப்பாற்றப்பட்டன. தேவேந்திரன் மா வனத்தில் சிவ பூஜை செய்ததால் காரணீஸ்வரத்தின் ஸ்தல விருக்ஷம் மா மரம். எனவே காரணீஸ்வரர் புஷ்ப அலங்காரத்துடன் நூதன மாவடி சேவை தந்தருளுகின்றார்.

மாவடி சேவைக்காக புறப்படும் பஞ்ச முர்த்திகள்

சிவ சக்தி தரிசனமே என்ன அற்புதம்

நூதனம் என்றால் புதியது என்று பொருள். மற்ற தலம் போல் இல்லாமல் மாமரம் வருடா வருடம் உண்மையான மரத்தில் இருந்து எடுத்துக் கொண்டு வந்து அலங்காரம் செய்கின்றனர் திருக்கரணீஸ்வரத்தில் எனவே மாம்பழங்களையும் தாங்கள் காணலாம். எனவேதான் நூதன மாவடி சேவை என்றழைக்கப்படுகின்றது.