ஆனி உத்திர தரிசனம்

 சித்திரை ஓணமும், சீரானியுத்திரமாம்
சத்ததனு ஆதிரையும் சார் வாளும் -பத்திமிகு
மாசியரி கன்னி மருது சதுர்த்தசி மன்
றீசர பிடேக தினமாம். 

அதாவது
சித்திரை - திருவோணம்
ஆனி - உத்திரம்
மார்கழி - திருவாதிரை
மாசி - வளர் பிறை சதுர்த்தசி( பௌர்ணமிக்கு முந்தைய நாள்)
ஆவணி - வளர் பிறை சதுர்த்தசி( பௌர்ணமிக்கு முந்தைய நாள்)
புரட்டாசி - வளர் பிறை சதுர்த்தசி( பௌர்ணமிக்கு முந்தைய நாள்)
( தனுர் - மார்கழி, யரி(சிம்மம்) - ஆவணி, கன்னி- புரட்டாசி)

என்று அம்பலவாணருக்கு ஒரு வருடத்தில் ஆறு அபிடேக தினங்கள். 

அதில் ஆனித்திருமஞ்சன்மாகிய ஆனி உத்திர அபிடேகம் சாயரட்சை எனப்படும்.  பிரதோஷ கால பூஜை ஆகும். 

காரணீஸ்வரர் ஆலயம் 

தில்லையில் நடைபெறும் இரண்டு உற்சவங்களில் ஒன்று இந்த ஆனி உத்திர தரிசனம் ஆகும். மாணிக்க வாசகர் இறைவனுடன் ஒன்றறக் கலந்தது ஆனி மாதத்தில்தான்.  

இப்பதிவில் ஐயன் இவ்வருட ஆனி உத்திர தரிசனக் கோலங்களை தரிசிக்கின்றீர்கள்.  முதலாவது சென்னை  மேற்கு சைதாப்பேட்டை காரணீஸ்வர ஆலய நடராசர் தரிசனம். 

*****************

இரண்டாவதாக தாங்கள் தரிசிக்கும் சிவானந்தவல்லி சமேத ஆனந்த நடராசர். வட திருநாரையூர் என்றழைக்கப்படும்  திரிபுரசுந்தரி உடனுறை சௌந்தரேஸ்வரர் ஆலயத்தில் எழுந்தருளியுள்ள ஆனந்தக்கூத்தர் ஆவார். 

இவ்வாலயம் 2012ம் ஆண்டு புனருத்தாரணம் செய்யப்பட்டு கும்பாபிஷேகம் நடைபெற்றது அதற்குப்பின் ஆனி உத்திரத்தை தீர்த்த நாளாகக் கொண்டு பிரம்மோற்சவம் நடைபெற்று வருகின்றது. நாம் காண்பது பிரம்மோற்சவத்தின்  பத்தாம்  நாள் காலை நடராசர்  புறப்பாடு ஆகும். 

சீராருஞ் சதுர்மறையும் தில்லைவா ழந்தணரும்

பாராரும் புலிமுனியும் பதஞ்சலியும் தொழுதேத்த

வாராரும் கடல்படைசூழ் வையமெலாம் ஈடேற

ஏராரு மணிமன்றுள் எடுத்ததிரு வடிபோற்றி. - உமாபதி சிவாச்சாரியார் 

பரந்தெழுந்த சமண்முதலாம் பரசமய இருள்நீங்கச்

சிரந்தழுவு சமயநெறித் திருநீற்றின் ஒளி விளங்க

அரந்தைகெட புகலியர்கோன் அமுதுசெயத் திருமுலைப்பால்

சுரந்தளித்த சிவகாம சுந்தரிபூங் கழல்போற்றி - உமாபதி சிவாச்சாரியார் 

**********************

மேற்கு சைதாப்பேட்டை செங்குந்தக் கோட்டம்.

ஆருத்ரா தரிசனம் - 2015 -1

இவ்வருடம் ஐயனின் சில ஆலயங்களின் ஆருத்ரா தரிசன கோலங்கள்  

சென்னை மேற்கு சைதாப்பேட்டை காரணீஸ்வரர் ஆலயம் 

விநாயகர் 

கோபுர சேவை 

அம்பலவாணரின் ஆருத்ரா தரிசனம்

பல்லக்கில் சிவானந்தவல்லி

அம்பலத்தரசர்

 மேற்கு சைதாப்பேட்டை செங்குந்தக் கோட்டம்

விநாயகர்

சிவகாம சுந்தரி அம்பாள்

ஆனந்த நடராஜர் ஆருத்ரா தரிசனம் 

சண்முகர் 

மேற்கு மாம்பலம் காசி விசுவநாதர் ஆலயம் 

ஐயனும் அம்மையும் ஒன்றாக தரிசனம் 

 மேற்கு மாம்பலம் லிங்க துர்க்கையம்மன் ஆலயம் 

நடராஜர் -  துர்க்கையம்மன் தரிசனம் 

மேற்கு கோடம்பாக்கம் சவுந்திர விநாயகர் ஆலயம்

நடராஜர் சிவகாமி அம்பாள் கல்யாணக் கோலம் 

தரிசனம் தொடரும் ...........

செங்குந்த கோட்ட மாசி மக பெருவிழா -14

                                              ஏழாம் திருநாள் திருத்தேரோட்டம் -2 
                                                              

                                                               தவன உத்ஸவம் 

திருத்தேரின் முன்னழகு

சூரனுடன் போருக்கு செல்வதால் முருகனின் வேற்படை வில்லில் உள்ளதை  கவனியுங்கள்.

திருத்தேரின் பின்னழகு

வள்ளி நாயகி திருத்தேர்

தெய்வ நாயகியின் திருத்தேர்

அதிகாலையில் நல்ல முகூர்த்த வேளையில் தேர் வடம் பிடிக்கப்பட்டு திருவீதி வலம் வந்து  மதியம் தேர் நிலைக்கு வந்து விடுகின்றது பின்னர் பக்தர்கள் தேரில் சென்று முருகனை தரிசனம் செய்கின்றனர். இரவு சிறப்பு அலங்காரத்துடன் சூரனை வென்ற வெற்றி வீரராக முருகப்பெருமான்  திருக்கோவிலுக்கு எழுந்தருளுகின்றார்.  இந்த உத்ஸவம்  தவன உத்ஸவம் என்றழைக்கப்படுகின்றது.  

ஆணவம் கன்மம் மாயை என்னும் தாருகன், சிங்கமுகா சூறன், சூரபத்மன் ஆகிய அசுரர்களுக்கு பெரு வாழ்வு அளித்து( சம்ஹாரம் செய்து), சூர பத்மனை மயிலாகவும் சேவலாகவும் மாற்றி மயிலை வாகனமாகவும், சேவலைக் கொடியாகவும் தனது கரத்தில் ஏந்தி தேவ சேனாபதி முருகர் வெற்றி வீரராக திருக்கோவிலுக்கு திரும்பும் அழகு.  

இப்போது வெற்றி வீரர் என்பதால் வலக்கரத்தில் வேலை ஞான சக்தியாகவும், இடக்கரத்தில் சேவல் கொடியையும் தாங்கி வருவதைக்காணுங்கள் அன்பர்களே. 

                              முழுவதும் மலர்களாலே உருவாக்கப்பட்ட மயில் வாகனம் 

(இப்பதிவில் உள்ள படங்கள்  முந்தைய  வருடத்தியவை. )

அழகன் முருகனின் அற்புத அலங்காரங்கள் தொடரும்..........

செங்குந்த கோட்ட மாசி மக பெருவிழா -13

ஏழாம் திருநாள் திருத்தேரோட்டம் -1

வீரபாகு தேவர் 

           

                                            தேரில் .வீரபாகுத்தேவர் முன்னே வர பின்னே முருகர் வருகின்றார். 

 தொண்டை மண்டலத்தில் ஏழாம் நாள் திருத்தேரோட்டம். ஐயன் புரியும் ஐந்தொழில்களில் தேரோட்டம் அழித்தல் தொழிலை குறிக்கின்றது. துஷ்டர்களை அழித்து நல்லவர்களை காப்பதைக் குறிக்கின்றது.  

முருகன் திருத்தேர்

தேரின் மலர் அலங்காரம் 

ஆணவம் கன்மம் மாயை என்னும் தாராகாசுரன், சிங்கமுகா சூரன், சூரபத்மன் ஆகியோரை சம்ஹாரம் செய்ய ஞான வேல் கொண்டு  தேரில் செல்லும் வெற்றி வடிவேலன். 

தேரின் அமைப்பு

திருத்தேர்  ஆடி அசைந்து வரும் அழகு

தேரின் பின்னழகு

அழகு முருகனின் தேரோட்டம் சிறிது இடைவெளிக்குப் பின்னர் தொடரும்...

செங்குந்த கோட்ட மாசி மக பெருவிழா -7

1. நான்காம் திருநாள் மாலை நாக வாகன சேவை -1

குழலூதும் கண்ணனாக சிவசுப்பிரமணிய சுவாமி 

இத்திருக்கோவிலை வலம் வரும் போது ஒன்றை கவனிக்கலாம், பல கல்வெட்டுகளில் அன்பர்கள் செய்த திருப்பணிகளைப் பற்றியும் அவர்கள் கொடுத்த நன் கொடைகளைப் பற்றியும் இவை கூறுகின்றன.  அநேகமாக அனைத்து திருவிழாக்களுக்கும் யாராது ஒருவர் உபயம் செய்து அதை குறிப்பிட்டும் வைத்துள்ளனர்.

புல்லினால் ஆறு கோடி

     புது மண்ணால் பத்துக் கோடி

செல்லுமாம் ஞாலம் தன்னில்

     செங்கல்லால் நூறுகோடி

அல்லியங்கோதை பாகன்

     ஆலயம் மடாலயங்கள்

கல்லினார் செய்த பேர்கள்

     கயிலை விட்டு அகலார் தாமே.

என்ற படி நம் இறைவனுக்கு எப்படியும் சேவை செய்ய வேண்டுமென்று செங்குந்த சபையினரும், பக்தர்களும் சேர்ந்து சுமார் 25  லட்சத்தில் 11.5 அடி உயரம் கொண்ட வெள்ளி ரதம் செய்து முருகனுக்கு அர்பணித்துள்ளனர்.

நான்காம் நாள் காலை வெள்ளித் தொட்டி உற்சவம்

ஆலயமெங்கும்  திருப்புகழ், குமாரஸ்தவம், கந்தரலங்காரம், கந்தர் அநுபூதி, கந்தர் சஷ்டி கவசம், தெய்வ மணிமாலை, திருமுறுகாற்றுப்படை,    கந்தர் சரணப் பத்து, சண்முக கவசம், அபிராமி அந்தாதி, துக்க நிவாரணி அஷ்டகம், போற்றித் திருத்தாண்டகம்,  சர்வ தேவதா ஸ்துதிகள், அனுமன் துதி, முப்பெரும் தேவியர் துதி என்று பல்வேறு ஸ்தோத்திரங்கள் படிக்கக் கிடைக்கின்றன.  தினமும் நான்கு கால பூஜைகள் கிரமமாகவும் சிரத்தையாகவும் நடைபெறுகின்றன.

சமயம் கிட்டும் போது

நாடிய வானோர்க்கென்றும்

     நண்ணுதல் அரியாய் போற்றி

பாடிய பக்தர்க்கென்றும்

     பரிந்தருள் மூர்த்தி போற்றி

நீடிய செல்வம் கல்வி

     நித்ய மங்களங்கள் யாவும்

கூடிய செங்குந்தக் கோட்டம்

     சிவசுப்பிரமணியனே போற்றி போற்றி

என்று வணங்க வாருங்கள் மேற்கு சைதாப்பேட்டை.

சிவசுப்பிரமணிய சுவாமியின் மாசி மகப் பெருவிழாவின் நான்காம் திருநாள் காலை வெள்ளித்தொட்டி உற்சவம். மாலை நாக வாகனம். நாக வாகனத்தில் முருகர் கிருஷ்ணன் கோலத்தில் எழுந்தருளி அருள் பாலிக்கின்றார். ஒவ்வோரு வருடமும் ஒரு வித அலங்காரம் இப்பதிவில்  நின்ற கோல குழலூதும் கிருஷ்ணனாக -  வேணு கோபாலனாக சிவசுப்பிரமணிய சுவாமி அருள் பாலிக்கும் அழகை காணுங்கள் அன்பர்களே.  

 நாகம்  என்பதால் முருகனுக்கு விஷ்ணு ரூப  அலங்காரம் செய்கின்றனர் இவ்வாலயத்தில். ஒயிலாக  தேவியர் இருவரும்  சாய்ந்த கோலத்தில்   குழலூதும்  வேணு கோபாலனாக தரிசனம் தரும் அழகான  கோலத்தை பாருங்கள்.

இனி ஒரு வருடம் என்ன  அலங்காரம் என்பதை அடுத்த  பதிவில் காணுங்கள் அன்பர்களே.