பத்து கலைகளை கொண்ட அக்னி ஜுவாலையின் மத்தியில், பத்து தளமுடைய
ஸர்வரக்ஷாகரம் என்னும் சக்கரத்தில் மிளிர்பவள், தேவர்களால் துதிசெய்யப்பட்ட க
மற்றும் ச என்ற எழுத்துக்களான ஸர்வஜ்ஞாதி சக்திகளான பதின்மரோடு கூடிய மாலினீ
ஸக்ரேஸ்வரியாக இருப்பவள்.
முப்பது மற்றும் இருபது அக்ஷரங்களை உள்ளடக்கிய குண்டலிநீ சக்தி
ஸ்வரூபிணியாக இருப்பவள், தசமுத்ரா தேவியரால் துதிக்கப்படும் கௌலீனீயாக இருப்பவள், தசரதர்
போன்ற பேரரசர்களால் துதிக்கப்படுபவள், குருகுஹனை
உலகுக்கு அளித்தவள், சிவபெருமானின் சிவஞானபோதம் அருளும் சிவஞான பிரதாயினீ இவளே, இந்திரியங்களின் செயல்பாடுகளின் கிரணங்கள்
வடிவான நிகர்ப்ப யோகினிகளாக இருப்பவள், இவ்வளவு சிறப்புகள் பெற்ற ஸ்ரீ கமலாம்பிகைக்கு நான் பக்தன்.
இந்த
ஆறாம் ஆவரணத்தின் சக்ரம் சர்வ ரக்ஷாகர சக்ரம் ஆகும். இச்சக்ரம் உள் பத்து முக்கோணங்களாக விளங்குகின்றது. இச்சக்கரத்தின் நாயகி திரிபுராமாலினி.
இதில் அட்டித்து விளங்கும் யோகினி நிகர்ப்ப யோகினி. அவஸ்தை உபதேசம் ஆகும். இதில்
விளங்கும்
தேவதைகள் ஸர்வஸம்க்ஷோபினி முதலான பதின்மர்
ஆவர். இக்கீர்த்தனத்தின் சிறப்புப் பலன்கள், இசை ஞானம், குரல் வளம், பேச்சாற்றல், மங்கலங்கள்
பெருகும், நோய்கள் நெருங்கா, கர்ம
ஞானேந்திரியங்கள் ஆற்றலுடன் விளங்கும், மனோரதங்கள் கைகூடும்.
ஆலயம் : காசி விஸ்வநாதர் ஆலயம், மேற்கு மாம்பலம், சென்னை
.
********************
சொர்ணாம்பாள் அன்னபூரணி அலங்காரம்
சொர்ணாம்பாள் மீனாக்ஷி அலங்காரம்
ஆலயம்: சொர்ணபுரீஸ்வரர் ஆலயம், அசோக்நகர் , சென்னை
******************
சலதி உலகத்திற் சராசரங்களை ஈன்ற
தாயாகினால் எனக்குத்
தாயல்லாவோ? யான் உந்தன் மைந்தன் அன்றோ? எனது
சஞ்சலம் தீர்த்து நின்றன்
முலை சுரந்து ஒழுகு பால் ஊட்டி என் முகத்தினை உன்
முந்தாணையால் துடைத்து
மொழிகின்ற மழலைக்கு உகந்து கொண்டு இள நிலா
முறுவலும் பூத்து அருகில் யான்
குலவி விளையாடல் கண்டு அருள் மழை பொழிந்து அங்கை
கொட்டி வா என்று அழைத்துக்
குஞ்சரமுகன் குமரனுக்கு இளையன் என்று எனைக்
கூறினால் ஈனம் உண்டோ?
அலைகடலிலே தோன்றும் ஆராத அமுதமே!
ஆதி கடவூரின் வாழ்வே!
அமுதீசர் ஒரு பாகம் அகலாத சுகபாணி!
அருள்வாமி! அபிராமியே! (9)
பொருள்: அபிராமி அன்னையே! இந்த கடல் சூழ்ந்த உலகத்தில் அனைத்து ஜீவராசிகளையும் ஈன்றெடுத்த அன்னை நீ அல்லவா? அப்படியென்றால் நீ எனக்கும் அன்னைதானே, எனது கவலைகளைப் போக்கி, உன்னுடைய முலைப்பாலை ஊட்டி, என் முகத்தை உன் முந்தானையால் துடைத்து, என் மழலைச் சொல் கேட்டு மகிழ்ந்து , மகிழ்ச்சியுடன் விளையாடுவது கண்டு மகிழ்ந்து, அருள் மழை பொழிந்து அன்பு திருக்கரங்களால் வா என்று அழைத்து , விநாயகனுக்கும், முருகனுக்கும் இளையவன் என்று கூறினால் அதனால் தங்களுக்கு ஒரு தாழ்வு ஏற்படுமோ? . அலைகள் நிறைந்த கடலில் தோன்றிய தெவிட்டாத அமுதமே! ஆதி கடவூரில் உறைபவளே ! அமுதீசர் இடப்பாகம் அகலாத அனையே! கிளியைத் திருக்கரத்தில் ஏந்தியவளே! அருள் புரியும் அபிராமியே! என்று உரிமையுடன் வேண்டுகின்றார் அபிராமிபட்டர்.
நவராத்திரியின் நான்காம் நாள் அன்னையை ஐந்து வயது குழந்தையாக பாவித்து ரோகிணி என்னும் கன்யாவாக வழிபடுகின்றோம். அன்னையை இவ்வாறு வழிபடுவதால் கல்வி வளர்ச்சி உண்டாகும். இன்றைய ஸ்லோகம்
நவராத்திரியின் நான்காம் நாள் அன்னை நவதுர்கைகளில் , சூரிய மண்டலத்தின் நடுவில் அமர்ந்து கொண்டு இந்த புவனம் முழுவதற்கும் வெப்பத்தை வழங்கிக்கொண்டிருக்கும் கூஷ்மாண்டா துர்காவாக வழிபடுகின்றோம். இந்த பிரம்மாண்டம் முழுவதையும் சிருஷ்டிப்பவள் இவளால்தான்.
கமண்டலம், வில், அம்பு, தாமரை, அமிர்தகலசம், சக்கரம், கதை, ஆகியவைகளை ஏழு கரங்களில் ஏந்தியபடி எட்டாவது கரத்தில் எட்டு சித்திகள், ஒன்பது நிதிகள் அடங்கிய ஜப மாலையோடு, சிம்மத்தை வாகனமாகக் கொண்டு திவ்யமாகக் காட்சி கொடுக்கிறாள் அன்னை. தன்னை நாடி வரும் பக்தர்களுக்கு நோயற்ற வாழ்க்கையைக் கொடுத்து அருள் புரிகிறாள். எல்லாவற்றிக்கும் ஆதியாக ஊதா வண்ணத்தவளாக விளங்குகின்றாள் இந்த துர்கா.
அன்னை தன் சக்தி முழுவதையும் சூரியனுக்கு அளித்து சிருஷ்டியை துவக்குகிறாள் அன்னை.
( தனது இரு தாமரைக் கரங்களில் இரத்தம் நிரம்பிய இரு பூரண கலசங்களை ஏந்தி, சிருஷ்டியை ஸ்த்தி சம்ஹாரத்தை தனது கண் இமைப்பில் நடத்தும் கூஷ்மாண்டா தேவி அடியேனுக்கு எல்லா வளங்களையும் வழங்கட்டும். )
இன்று நாம் காணப்போகும் அன்னையின் அலங்காரங்கள் மயிலை வெள்ளீஸ்வர ஆலயத்தின் கோலாகலக் காட்சிகள்.
காமாக்ஷியம்மன் காமதேனு வாகனத்தில்
கௌரியாக கொலு வீற்றிருக்கும் அழகு
அம்மனுடன் கொலுவிருக்கும் மஹா லக்ஷ்மி
மற்றும் வெள்ளீஸ்வரம் ஐதீகம் ( சுக்ராச்சாரியார் சிவபூஜை செய்யும் காட்சி)
குகையில் உறையும் சிவனை சகல ஜீவராசிகளும் வணங்கும் காட்சி
